Hematologjia është njësi mjekësore që merret me diagnostikimin dhe trajtimin e të gjitha sëmundjeve që shfaqen në gjak. Hematologjia, e cila merret me gjakun dhe organet gjakformuese, si shpretka dhe palca e eshtrave, të cilat janë jashtëzakonisht të rëndësishme për jetën e njeriut, është në një lidhje shumë të ngushtë me shumë njësi të tjera mjekësore.
Sëmundjet që më së shumti hasen në njësinë e hematologjisë janë anemia, talasemia dhe leukemia. Anemia, është një sëmundje e shkaktuar nga niveli i ultë i hemoglobinës në qelizat e kuqe të gjakut. Talasemia është një çrregullim i trashëguar i gjakut që e bën trupin të prodhojë më pak hemoglobinë. Leukemia, e njohur edhe si kanceri i gjakut ose kanceri i palcës, shfaqet si rezultat i kancerit të qelizave në palcën e eshtrave, qeliza këto përgjegjëse për prodhimin e gjakut.
