Neurologji Pediatrike

Fusha e Neurologjisë Pediatrike, e quajtur edhe Neurologjia e Fëmijëve, përfshin çrregullime të trurit, palcës kurrizore, nervave periferike dhe muskujve që prekin foshnjat, fëmijët dhe adoleshentët. Shumëllojshmëria e pacientëve të vizituar nga një neurolog pediatrik varion nga ata me sëmundje të zakonshme, të tilla si paraliza cerebrale ose epilepsia, tek ata me sëmundje të rralla ose komplekse, të tilla si çrregullime metabolike ose degjenerative. 

Përveç kësaj, neurologët pediatrik kanë ekspertizë të përgjithshme në neuroimazhimin, mjekësinë molekulare dhe çrregullimet neurokirurgjikale. Disa prej tyre sub-specializohen dhe punojnë kryesisht ose ekskluzivisht në një fushë të caktuar.