Kirurgji Metabolike

Diabeti i tipit 2 është një sëmundje kronike që shkakton komplikime të shumta mjekësore. Kur pacienti është i prekur nga kjo sëmundje, insulina vazhdon të prodhohet, por nuk prodhohet në masë të mjaftueshme për nevojat që ka trupi. Obeziteti është një nga arsyet kryesore të zhvillimit të diabetit të tipit 2. Edhe pse ekzistojnë shumë trajtime të diabetit të tipit 2, shumica e pacientëve nuk kanë përmisime.

Në studimet e fundit shkencore shifen efektet pozitive të procedurave të kirurgjisë bariatrike në trajtimin e pacientëve obezë dhe jo-obezë të sëmurë me diabet të tipit 2. Për këtë arsye, kirurgjia bariatrike në të njëjtën kohë quhet edhe kirurgji metabolike për shkak të efekteve që sjell, nga humbja e peshës e deri te kontrolli metabolik, posaqërishtë te pacientët që janë të sëmurë me diabet të tipit 2. Diabeti i tipit 2 tani më konsiderohet si një sëmundje gastrointestinale që mund të trajtohet kirurgjik.