Diabeti i tipit 2

Diabeti i tipit 2 është një gjendje shëndetësore e zakonshme që rritë sheqerin (glukozën) në gjak në nivele shumë të larta. Rritja e nivelit të sheqerit në gjak shkakton simptoma të tilla si etja e tepruar, nevoja të shpeshtë për urinim dhe lodhje. Në të njëjtën kohë rritë rrezikun e problemeve serioze në sy, zemër dhe nerva.

Diabeti i tipit 2 rrjedhë si pasojë e problemeve me një kimikat në trupin e njeriut, kimikat ky që quhet insulinë. Në të shumtën e rasteve ka lidhje direkte me të qenit obezë, ose edhe si trashëgim gjenetik.

Niveli i lartë i sheqerit në gjak është një sëmundje e rrezikshme sepse shumë njerëz e kanë dhe nuk arrinë ta kuptojnë. Kjo ndodhë për arsye se jo domosdoshmërishtë simptomat e diabetit ju bëjnë të ndiheni keq.

Simptomat kryesore të diabetit të tipit 2 janë: ndjesia që jeni të etur gjatë gjithë kohës; urinim i shpeshtë, veçanërisht gjatë natës; ndjesia e të qenurit shumë i lodhur; shikimi i turbullt; kur keni prerje ose plagë kërkojnë më shumë kohë për t'u shëruar; filloni të humbisni peshë pa u përpjekur. Ndërsa jeni shumë më të rrezikuar prej diabetit të tipit 2 nëse jeni mbi 40 vjeç, jeni obezë ose keni një të afërm të afërt me diabet.

Faqe të tjera